Праваабарончая праграма "Вясна" на Беларускім Радыё Рацыя
Кожны аўторак у 20:05 па беларускім часе (паўтор у суботу ў 7:00) у эфіры незалежнай радыёстанцыі "Беларускае Радыё Рацыя" — праграма "Вясна", якая асвятляе падзеі, датычныя правоў чалавека.
Прэм'еру ў эфіры анлайн можна паслухаць праз інтэрнэт тут альбо тут (калі не адкрываецца, то карыстайцеся VPN). А таксама 98,1 FM для Гродна і 99,2 FM для Брэста.
(Анонсы папярэдніх выпускаў глядзіце тут).
Анонс на 9 мая:
Крымінальны пераслед: Палітзняволеных праваабаронцаў “Вясны” Алеся Бяляцкага, Валянціна Стэфановіча і Уладзіміра Лабковіча этапавалі ў калоніі. Што іх чакае і як выглядае этап?
Тым часам ПЦ “Вясна” абагуліў сітуацыю з правамі чалавека ў Беларусі за мінулы месяц — красавік 2023 года. За красавік палітычнымі зняволенымі былі прызнаны 62 чалавекі.
Падзея: 3 траўня адзначыўся Сусветны дзень свабоды друку. Тым часам у Беларусі за кратамі па палітычна матываваных справах знаходзіцца 33 журналісты. У гэты дзень беларускія і літоўскія журналісты правялі 3 траўня акцыю салідарнасці ў цэнтры Вільні, а ў літоўскім Доме журналіста адкрылася выстава, на якой можна было пабачыць і партрэты зняволеных беларускіх журналістаў.
Каментар: З сярэдзіны 2000-х: дзве асабістыя гісторыі ліставання з палітвязнямі. Як было ў 2010 у параўнанні з цяперашняй сітуацыяй?
