Валанцёры "Магілёўскай вясны" адзначылі Дзень правоў чалавека незвычайнай гульнёй Фота

12.12.2019 Тэгі: грамадства, валанцёры

https://spring96.org./be/news/95455 2019 2019-12-12T11:45:58+0300 2019-12-12T11:45:58+0300 2019-12-12T11:45:58+0300 be https://spring96.org./files/images/sources/dzen_pch_magileu6.jpg Праваабарончы цэнтр «ВЯСНА» Праваабарончы цэнтр «ВЯСНА» Праваабарончы цэнтр «ВЯСНА»

Праваабарончы цэнтр «ВЯСНА»

Валанцёрская каманда «Магілёўскай вясны» MAYDAY вырашыла адзначыць дзень правоў чалавека незвычайным чынам. Вечарам 10 снежня яна прэзентавала ўласную распрацоўку – праваабаронча-сацыяльную гульню «Выжыць у Беларусі». Як паведамляе mspring.online, такое ў Магілёве ўбачылі ўпершыню.

: Фота mspring.online

Больш за дваццаці ўдзельнікам прапанавалі паспрабаваць пражыць да 65 гадоў – прыкладнага ўзросту сярэдняй працягласці жыцця ў Беларусі. На працягу «жыцця» яны сутыкаліся з рознымі перашкодамі, характэрнымі для нашай краіны: хтосьці атрымліваў вялікі тэрмін па артыкуле 328, хтосьці не змог стаць міліцыянерам з-за ўдзелу ў пратэстных акцыях, а хтосьці памёр ад радыяцыі з-за выбуху на Астравецкай АЭС.

"Гэта першы раз, калі мы выкацілі гульню. Вядома, не ўсё было гладка – не чакалі столькі ўдзельнікаў, былі дзесьці агрэхі. Нам на іх паказалі самі гульцы і ў бліжэйшы час мы збярэмся з імі, каб зрабіць гульню яшчэ лепш. Уласна, удзельнікі гульні – галоўная яе годнасць, у Магілёве нерэальна крутыя дзяўчаты і хлопцы. Таксама велізарны рэспект ўсім, хто распрацоўваў гульню – гэта Ханна Зубкова, Каця Іванова, Дзіма Тоўсцік, Лера Лепешава, Аляксандр Буракоў. Таксама вялікі дзякуй камандзе АБФ Магілёў, з якімі мы ладзім Тыдзень правоў чалавека", – распавёў удзельнік MAYDAY Саша Райкан.

Паводле яго слоў, у цэлым, гульня спраўдзіла чаканні:

"Падчас працэсу ўдзельнікі «паміралі» ад «алкагалізму», няякаснай меддапамогі, чорных рыэлтараў і шмат чаго іншага. У выніку да 65 гадоў дабраліся толькі «міліцыянер» і «бяздомная». Высокія былі шанцы ў «дэпутата», але ён згарэў ад анкалогіі ў «59 гадоў». Гэтая гульня – добрая нагода задумацца пра тое, што адбываецца ў нашай краіне і што чакае цябе гадоў праз 10", – сказаў праваабаронца.