Навіны на тэму: выбарчае заканадаўства
21.06.2012 КДБ аказвае ціск на чальцоў групы Дзмітрыя Уса
На чальцоў ініцыятыўнай групы па змене выбарчага заканадаўства аказваецца націск з боку супрацоўнікаў КДБ і ідэалагічных работнікаў прадпрыемстваў і арганізацый, паведаміў ініцыятар унясення паправак у выбарчае заканадаўства, кандыдат у прэзідэнты на выбарах 2010 года Дзмітрый Ус.
08.06.2012 Рада інтэлігенцыі абмеркавала пытанні выбараў з актывістамі Светлагорску
Праблемы ўдзелу ў выбарах 2012 года ў Палату прадстаўнікоў абмеркавалі ў Светлагорску прадстаўнікі Рады беларускай інтэлігенцыі і мясцовыя палітычныя актывісты. У сустрэчы бралі ўдзел мясцовыя актывісты Аб’яднанай грамадзянскай партыі, Партыі БНф, партыі “Справядлівы свет” і грамадзянскай кампаніі “Гавары праўду!”.
06.06.2012 Брэсцкая раённая “Белая Русь” нацэлена на выбары
Сябры арганізацыі ўвойдуць ў выбарчыя камісіі, будуць вылучаць і падтрымліваць сваіх кандыдатаў, у офісах “Белай Русі” будуць арганізаваны грамадскія прыёмныя для сустрэч кандыдатаў з выбаршчыкамі.
05.06.2012 На Магілёўшчыне “Белая Русь” вядзе падрыхтоўку да выбараў
Напрыканцы траўня – пачатку чэрвеня справаздачна-выбарчыя канферэныі адбыліся ў Шклоўскім, Дрыбінскім, Касцюковіцкім і шэрагу іншых раёнаў вобласці. Плануецца, што члены “Белай Русі” будуць шырока вылучацца ў склад выбарчых камісій рознага ўзроўню, а таксама ажыццяўляць назіранне.
05.06.2012 У Брэсце з’явіліся ўлёткі, якія нагадваюць пра выбары
4 чэрвеня актывісты “Маладых дэмакратаў” распаўсюдзілі ў Брэсце ўлёткі, прысвечаныя выбарам у Палату прадстаўнікоў РБ, якія маюць адбыцца восенню гэтага года. Улёткі ўтрымлівалі наступны тэкст: “Мы верым у НЛА, вампіраў, дзеда Мароза і выбары 2012”, а таксама партрэт Бураціна – казачнага персанажа, які часта сутыкаўся з падманам.
04.06.2012 У Пінску пачалася перадвыбарчая кампанія?
Апошнія два месяцы дэпутатка Палаты прадстаўнікоў Нацыянальнага сходу Беларусі Зінаіда Мандроўская не сыходзіць з экранаў пінскіх тэлеканалаў і са старонак гарадской газеты. Спадарыня Мандроўская праводзіць “прамыя лініі”, віншуе выпуснікоў, прысутнічае на ўсіх афіцыйных мерапрыемствах, якія праходзяць у горадзе.
29.05.2012 На актывістаў, якія дамагаюцца змены выбарчага заканадаўства, аказваецца ціск
Як распавёў адзін з брэсцкіх сябраў ініцыятыўнай групы Віктар Чайкоўскі, нягледзячы на тое, што спісы яшчэ толькі передадзены ў Цэнтрвыбаркам, і рашэнне пра рэгістрацыю ініцыятыўнай групы не прынята, некаторых актывістаў ужо пачалі запалохваць супрацоўнікі міліцыі і КДБ.
28.05.2012 Шклоўская і круглянская раёнкі прайшліся па прыхільніках байкоту
На мінулым тыдні амаль сінхронна раённыя газеты Магілёўскай вобласці – шклоўская “Ударны фронт” і круглянская “Сельскае жыццё” – надрукавалі артыкул “Напалохаць байкотам”, у якім рэзка крытыкуюцца прыхільнікі байкоту маючых адбыцца выбараў у Палату прадстаўнікоў.
07.05.2012 Бабруйскія актывісты збіраюцца правесці пікет за свабодныя выбары
Бабруйскія актывісты АГП падалі заяўку на правядзенне пікета ў гарвыканкам на 15 траўня. Асноўную ўвагу яны плануюць акцэнтаваць на патрабаванні да ўладаў правесці празрыстыя выбары. На аднаго з заяўнікаў пікета, Валерыя Мікітка, ужо спрабавалі ціснуць з дапамогай ідэолага па месцы працы.
04.05.2012 Дзмітрый Ус намагаецца зарэгістраваць ініцыятыўную групу па ўнясенні зменаў у выбарчае заканадаўства (відэа)
1 траўня ў Мінску з ініцыятывы былога кандыдата ў прэзідэнты, палітвязня Дзьмітрыя Уса адбыўся сход пад адкрытым небам з мэтай стварэння ініцыятыўнай групы па падрыхтоўцы законапраекту аб унясеньні зменаў ў Выбарчы кодэкс Рэспублікі Беларусь. Да 20 траўня ў Цэнтравыбаркам будуць перададзеныя дакументы аб яе рэгістрацыі.
30.04.2012 У Магілёве будуць пікетаваць “За сумленныя выбары без Лукашэнкі!”
У якасці пачатку кампаніі “За сумленныя выбары без Лукашэнкі!” актывісты Аб’яднанай грамадзянскай партыі падалі две заяўкі на пікеты ў мясцовы гарвыканкам. Сярод месцаў для правядзення пікетаў пазначаны Савецкая плошча і пляцоўка каля Дыягнастычнага цэнтра.
17.04.2012 У Брэсцкай вобласці абвешчаны набор назіральнікаў за парламенцкімі выбарамі
З гэтай ініцыятывай выступае абласны савет кампаніі “За справядлівыя выбары”, які быў створаны напрыканцы сакавіка з удзелам прадстаўнікоў 11 дэмакратычных грамадскіх аб'яднанняў і палітычных партый рэгіёна.
04.04.2012 Дзяржвыданне рыхтуе грамадскую думку аб “непажаданасці” назіральнікаў АБСЕ
Брэсцкая дзяржаўная газета “Заря” у адной са сваіх апошніх публікацый пад красамоўным загалоўкам ”Миссия предсказуема” задаецца пытаннем: ці варта запрашаць замежных назіральнікаў на выбары ў Беларусі?
02.04.2012 “Праваабаронцы за свабодныя выбары”: Наўрад ці будзе нейкая інтрыга ў парламенцкай кампаніі-2012
“Праваабаронцы за свабодныя выбары” заяўляюць пра намер ладзіць назіранне за парламенцкімі выбарамі-2012. Каардынатары кампаніі Валянцін Стэфановіч і Алег Гулак, улічваючы папярэдні досвед назірання і практыку правядзення выбарчых кампаній у Беларусі, “падказваюць” уладам бяспройгрышныя крокі на шляху да свабодных і справядлівых выбараў.
26.03.2012 “За справядлівыя выбары” стварае аргкамітэт на Брэстчыне
У Брэсце адбылося паседжанне, мэтай якога было стварэнне ў рэгіёне аргакамітэту кампаніі “За справядлівыя выбары”, якая будзе адсочваць працэс падчас выбараў у Палату прадстаўнікоў, што павінны адбыцца сёлета.
