Суд Паліенкі, салідарнасць і першыя абдымкі на волі. Вялікі фотарэпартаж "Вясны"
Сёння, 25 кастрычніка, Мінскі гарадскі суд абвясціў прысуд сацыяльнаму актывісту Дзмітрыю Паліенку: 3 гады "хатняй хіміі" (абмежаванне волі без накіравання ў выпраўленчую ўстанову) з падпіскай аб нявыездзе і прымусовым лячэннем ад алкагалізму. Дзмітрыя вызвалілі наўпрост у залі суда.
"Вясна" сабрала самыя яркія моманты судовых працэсаў над Дзмітрыем Паліенкам: спробы затрымання прысутных у першыя дні, нязломнасць Дзмітрыя, салідарнасць сяброў, павышанныя меры бяспекі ў судзе, вызваленне ў залі суда, першыя абдымкі на волі. Усё гэта ў нашым вялікім фотарэпартажы.
- Першапачаткова Паліенку абвінавачвалі па чатырох крымінальных артыкулах. Але ў першы дзень суда пракурор Аляксандр Кароль адмовіўся ад астатніх абвінавачванняў: арт. 341 КК (нанясенне графіці ў Курапатах і на будынак на вуліцы Ахоцкай), ч. 1 арт. 130 (распальванне варожасці да супрацоўнікаў міліцыі ў размешчаным на youtube відэароліку), арт. 369 (абраза міністра (былога) МУС Ігара Шуневіча ў відэароліку).Дзмітрыя Паліенку судзілі толькі па ч. 3 арт. 339 Крымінальнага кодэкса (асабліва злоснае хуліганства). Фота: spring96.org
- Апроч усяго іншага, першапачаткова працэс мусіў быць закрытым. Але з-за вялікага грамадскага рэзанансу (пратэсты ў судзе, заява праваабаронцаў і іншае) прыняў рашэнне праводзіць працэс ў адкрытым рэжыме. На фота затрымліваюць сябра Дзмітрыя - Вячку Касінерава. Але ў той дзень так нікога і не затрымалі. Фота: spring96.org
- Пацярпелы Аляксей Юрын прасіў суд не наказваць Паліенку турэмным тэрмінам. А пракурор Аляксандр Кароль запрашваў для абвінавачанага 6 гадоў пазбаўлення волі. Фота: spring96.org
- У судзе ўсе дні дзейнічалі павышаныя меры бяспекі. Фота: spring96.org
- Сябры Дзмітрыя падтрымлівалі яго кожны судовы працэс. Фота: spring96.org
- Дзмітрый Паліенка ў судзе з адвакаткай. Фота: spring96.org
- Дзмітрый перачытвае свае нататкі з матэрыялаў справы. Фота: spring96.org
- На абвяшчэнне прысуду прыйшло каля 40 чалавек, актывістаў, праваабаронцаў і журналістаў. Фота: spring96.org
- Сябры Дзмітрыя Яўген Чуліцкі і Яна Яцыновіч у зале суда чакаюць абвяшчэнне прысуду. Фота: spring96.org
- Сяброўка Дзмітрыя Паліенкі - Марына Касінерава чакае, калі яго прывядуць у залу суда. Фота: spring96.org
- Суддзя Пётр Арлоў абвясціў прысуд:тры гады хатняй хіміі (абмежаванне волі без накіравання ў папраўчую ўстанову). Мінус год па амністыі. Падпіска аб нявыездзе да ўступлення прысуду ў законную сілу і прымусовае лячэнне ад алкагалізму. Фота: spring96.org
- Дзмітрыя вызвалілі ў зале суда. Фота: spring96.org
- Дзмітрый не верыў, што яму можна выйсці з залі суда. Ён перапытваўся пра гэта ў сакратаркі і адвакаткі.Фота: spring96.org
- Першыя абдымкі на волі Дзмітрыя са сваёй нявестай Настай Гусевай. Фота: spring96.org
- Грамадскасць сустрэла Дзмітрыя на вуліцы апладысментамі. Фота: spring96.org
- Праваабаронца Алесь Бяляцкі сустракае Дзмітрыя на волі. Фота: spring96.org
- Дзмітрый Паліенка на волі. Фота: spring96.org
Тэкставыя анлайн-рэпартажы чатырох дзён суда над Дзмітрыем Паліенкам можна знайсці тут:
Суд над Дзмітрыем Паліенкам зрабілі адкрытым. Пракурор адмовіўся ад большасці абвінавачванняў
Суд над Дзмітрыем Паліенкам: дзень другі
Трэці судны дзень над Дзмітрыем Паліенкам. Пракурор запрасіў шэсць гадоў пазбаўлення волі
Дзмітрый Паліенка атрымаў тры гады "хатняй хіміі"
Каментар праваабаронцы: Адзіным законным прысудам Паліенку быў бы прысуд апраўдальны
