Жаночы марш у Мінску і затрыманні студэнтаў Дапоўнена
Жаночы марш у Мінску 17 кастрычніка. Фота: TUT.by
Сёння, 17 кастрычніка, у Беларусі анансаваныя Маршы маладосці і Жаночы марш.
Удзельнікі жаночага маршу ў Мінску пачалі збірацца каля цэнтра «Дана Молл». Затым жанчыны пачалі рухацца з Усходу ў бок цэнтру. У цэнтры горада – шмат сілавікоў, некаторыя плошчы агароджаныя.
Праваабарончы цэнтр "Вясна" збірае інфармацыю пра затрыманых удзельнікаў і ўдзельніц мірных акцый пратэсту.
Паведамляецца пра затрыманне фотажурналіста БелаПАН Вадзіма Заміроўскага.
На скрыжаванні праспекта Незалежнасці і вуліцы Казлова адбыліся затрыманні студэнтаў. Паблізу Палаца мастацтваў натоўп студэнтаў перастрэлі сілавікі ў мікрааўтобусах. Паведамляецца, што затрымана каля 10 чалавек.
- Затрыманні ў Мінску 17 кастрычніка. Скрыншот з відэа.
Калі вас ці вашых блізкіх затрымалі, паведамляйце нам праз тэлеграм-бот @viasna_bot ці на гарачую лінію:
+375 44 734 45 51
+375 29 8413981
+375 17 377 55 40.
Тэлеграм @ViasnaSOS, @SOSViasna
