Ніна Давыдоўская мусіць сплаціць штраф за распаўсюд у Дзень правоў чалавека ўлётак з заклікам адстойваць свае правы.

Паводле рашэньня адміністратыўнай камісіі Маскоўскага раёну г. Берасьце, спадарыня Давыдоўская павінна сплаціць штраф 49 тысяч рублёў за распаўсюд друкаванай прадукцыі, якая ня мае выходых зьвестак і “шкодзіць дзяржаўным інтарэсам”. Такой прадукцыяй міліцыянты палічылі ўлёткі, што сябры БНФ раздавалі летась 10 сьнежня, у Міжнародны дзень правоў чалавека, каля берасьцейскага заводу “Цьветатрон”. Улёткі ўтрымлівалі заклік да рабочых адстойваць свае правы.

Нягледзячы на пярэчаньні Ніны Давыдоўскай, суд Маскоўскага раёну Берасьця не задаволіў ейнай скаргі і засьведчыў, што распаўсюд улётак без выходных зьвестак ёсьць парушэньнем Закону аб сродках масавай інфармацыі. Спадарыня Давыдоўская заявіла пра намер абскарджваць гэтае рашэньне ў абласным судзе.
Паводле Радыё Свабода