Арыштавалі валанцёрку "Вясны", затрыманую вечарам каля дома Ніны Багінскай Дапоўнена
У двары Ніны Багінскай перад затрыманнем. Фота: Радыё Свабода
Вечарам 6 лістапада, калі ў кватэру Ніны Багінскай уварваліся людзі без апазнавальных знакаў для правядзення “следчых эксперыментаў” і ператрусу, да двара дома актывісткі сталі падыходзіць неабыякавыя людзі. Паведамляецца, што АМАП затрымаў каля 10 чалавек у двары каля яе дома, якіх даставілі для разбіральніцтва ў РУУС.
Сярод затрыманых сілавікамі – валанцёрка Праваабарончага цэнтру “Вясна” Кацярына.
6 лістапада ў судзе Першамайскага раёна Мінска Кацярыну арыштавалі на 5 сутак за парушэнне артыкула 23.34 КаАП. Справу разглядала суддзя Лейкоўская А.М.
Яна патлумачыла суду, што вечарам ішла каля крамы Еўраопт па вуліцы Коласа. Калі ішла ў краму бачыла бусы з амапаўцамі. Звычайныя грамадзяне таксама былі, нічога незвычайнага. Лозунгаў і сімволікі не было. Бус цёмна чырвоных колеру спыніўся і амапаўцы прапанавалі прайсці ў бус. Лозунгаў не крычала.
Гэта не першы выпадак затрымання валанцёраў “Вясны”. На мінулым тыдні падчас ажыцяўлення назірання за судовымі працэсамі ў судзе Маскоўскага раёна быў затрыманы вланацёр ПЦ “Вясна” Аляксандр Паплаўскі. На яго быў складзены пратакол па арт. 17.1 КаАП (дробнае хуліганства) за тое, што нібыта адмовіўся выйсці з судовага пакою па распараджэнню суддзі падчас перапынку ў судовым паседжанні. Валанцёра чакае судовае разбіральніцтва ў межах адміністрацыйнай справы.
