У Берасці - новы суд у лістападзе за знявагу дзяржаўнага сцяга
Юрый Касцюк у судзе.
У судзе Ленінскага раёна Берасця 16 лістапада разглядалася крымінальная справа Юрыя Касцюка. Мясцовага жыхара абвінавачваюць у знявазе дзяржаўных сімвалаў па артыкуле 370 Крымінальнага кодэксу.
Справу разглядае суддзя Аляксандр Семянчук. Дзяржабвінаваўца – пракурор Ляшчук.
Па матэрыялах следства, 4 верасня Юрый Касцюк ішоў з сябрамі каля гасцініцы “Маладзёжная”.
У часе размовы Касцюк тузануў дзяржаўны сцяг, які там вісеў. Сцяг зваліўся.
Асобу юнака неўзабавае ўстанавілі. Адміністрацыя гатэлю вылучыла матэрыяльныя прэтэнзіі за зламанае дрэўка ў памеры 58 рублёў.
Пракурор запатрабаваў пакараць Касцюка абмежаваннем волі з накіраваннем у выпраўленчую ўстанову адкрытага тыпу тэрмінам на 1 год.
Прысуд будзе вынесены 17 лістапада ў 10 гадзін.
За восень гэта шосты прысуд за знявагу нацыянальных сімвалаў, і відаць не апошні. Ужо заўтра ў судзе Цэнтральнага раёна Гомеля будзе разглядацца крымінальная справа Георгія Васіленкі, які, па інфармацыі СК, 16 жніўня спусціў з флагштока дзяржсцяг і падняў, як піша следчы, «сімвал, які не з'яўляецца атрыбутам улады».
Брэст: За знявагу дзяржаўнага сцяга - адзін год абмежавання волі
