Справа Сяргея Рымшы: cуд разбіраецца з кавалкамі бетону ў заплечніку абвінавачанага Дапоўнена
Сяргей Рымша
У судзе Ленінскага раёна Гародні 10 снежня працягнуўся разгляд крымінальнай справы Сяргея Рымшы.
Яго абвінавачваюць адразу па 2 артыкулах Крымінальнага кодэксу: 342 КК РБ (Арганізацыя або актыўны ўдзел у групавых дзеяннях, якія груба парушаюць грамадскі парадак) і 364 КК РБ (Гвалт альбо пагроза прымянення гвалту ў дачыненні да супрацоўніка органаў унутраных спраў).
Справу разглядае суддзя Юрый Казакевіч. Пракурор - Мікіта Мыслівец.
За судовым працэсам сочыць праваабаронца Раман Юргель.
З судовых матэрыялаў вядома, што Сяргей Рымша быў на Савецкай плошчы Гародні 9 жніўня ў 23.15, калі ў таніраваны мікрааўтобус з сілавікамі паляцеў камень. Неўзабаве Сяргея затрымалі, збілі, завезлі ў Ленінскі РАУС, і паведамілі, што на яго заведзеная крымінальная справа.
У якасці пацярпелых выступаюць шэсць супрацоўнікаў міліцыі: Чарняўскі, Баярчук, Сталяр, Багушэвіч, Сацура і Літвін.
На чарговым, пятым па ліку, судовым пасяджэнні суд дапытаў апошняга пацярпелага супрацоўніка міліцыі Сацуру, які да гэтага часу не мог прысутнічаць на судзе з-за хваробы.
Допыт пацярпелага Іллі Сацура. Пракурор задае пытанні па інцыдэнце вечара 9 жніўня.
“Людзі выказвалі незадаволенасць, абражалі міліцыю, аўтамабіль міліцыі знаходзіўся каля помніка танка, каля пл. Савецкай. Чуў, седзячы ў аўто 3 глухія ўдары камянямі па бусу. Не бачыў, хто кідаў камяні. Бачылі чалавека, які ўцякаў, пагналіся, не дагналі. Запомніў чалавека ў спартыўных штанах і цёмнай майцы, з заплечнікам. Не памятаю ці я яго затрымліваў, але ў ператрусе асабістых рэчаў удзельнічаў. У заплечніку знаходзіўся, ці то камень, ці то кавалак пліткі. Я сам заплечнік не аглядаў і не даставаў нічога, моманту калі калегі даставалі нешта - не бачыў," - тлумачыць пацярпелы.
Адвакат запытваецца, хто быў у патрулі?
Сацура адказвае, што супрацоўнікі АМАПу. Апытанні праводзіліся ў Ленінскім РАУСе. Фізічная сіла да Рымшы ўжывалася, але я не бачыў, спецсродкі не ўжываліся. Рымша сядзеў на падлозе аўто пры дастаўцы ў РАУС. Амапаўцы сядзяць спераду, апісалі яго да затрымання, як лысаватага, у чорнай майцы. Пры аглядзе заплечніка ў РАУС не памятаю, хто яшчэ знаходзіўся ў кабінеце.
Суддзя пытаецца, ці аглядалі заплечнік Рымшы пры пасадцы ў аўтамабіль?
Сацура не памятае. Камень з заплечніка ўбачыў ужо ў РАУС.
Суддзя зачытвае паказанні Сацуры, дадзеныя пад час следства. Увагнутасці на аўто выявілі ўжо ў РАУС. Адвакат звяртае ўвагу на супярэчнасці ў паказаннях: раней казаў, што затрымліваў, цяпер у судзе, што не. Прыкметы чалавека падобнага на Рымшу давалі амапаўцы. Усе ўдзельнікі працэсу праглядаюць відэазапісы відэарэгістратара аўтамабіля, вонкавай і ўнутранай камеры.
Далей у судзе адбываецца даследаванне рэчавых доказаў, заплечніка, камянёў. Суддзя запатрабаваў прынесці ўсё ў залу. Даставілі скрынку.
Аглядаецца фрагмент бетону памерам з шайбу, яшчэ адзін фрагмент бетону большага памеру, чорны заплечнік, чорную майку з надпісам "Жыве Беларусь!".
Сяргей Рымша пацвердзіў, што ўсе рэчы яго, а камяні - не, іх не было з сабой у заплечніку ў той вечар.
Адвакат хадайнічае далучыць да матэрыялаў справы пастанову суда Ленінскага раёна ад 9 кастрычніка па арт 23.34 КаАП РБ пра штраф у памеры 20 б.в. У пастанове павінны быць паказанні міліцыянтаў і ацэнка судом паказанняў тых жа пацярпелых, якія праходзяць і ў крымінальным працэсе - Баярчука і Чарняўскага. Пракурор супраць таму суддзя адхіліў гэтае хадайніцтва.
Далей адвакат хадайнічае аб выкліку ў суд сёння сведкі з боку Рымшы, які ўвечары 9 жніўня знаходзіўся каля танка. Пракурор не пярэчыць і суддзя задаволіў хадайніцтва.
Сведка распавядае, чтто 9 жніўня як скончыў працу, убачыў шмат людзей, супрацоўнікаў міліцыі, людзей у чорным. Разявакі стаялі, глядзелі, як раз ганяюць людзей, гукі удараў чуў. Бачыў людзей у масках, усе пабеглі ў двары пры разгоне людзей.
Сімволікі, сцягоў, транспарантаў у Рымшы не было. Людзі, стаялі, былі незадаволеныя вынікамі выбараў
Пракурор кажа сведку, што вы спынілі здымку, ўдары чулі, пытаецца ці Рымша нічога не кідаў.
- Не.
На відэазапісе, прадстаўленым сведкам не відаць кідання камянёў Рымшы у міліцэйскі аўтамабіль Газэль.
У судзе праверылі тэлефон сведкі, відэа створана 9 жніўня ў 23.01. Запіс адпавядае прадстаўленаму.
Адвакат падкрэслівае, што кідання прадметаў Рымшам на відэазапісу няма.
Пракурор прапанаваў выклікаць траіх пацярпелых міліцыянтаў, удакладніць момант часу пвыезду. Адвакат згодзен.
Суддзя Казакевіч пастанавіў выклікаць усіх 5 пацярпелых, каб яшчэ раз удакладніць час руху міліцэйскага аўтамаліля.
Судовае паседжанне працягнецца 15 снежня ў 14.30.
Справа Сяргея Рымшы: допыт пацярпелых супрацоўнікаў міліцыі
