Больш за 100 чалавек затрыманыя на Маршы сталых людзей. Хроніка пераследу 14 снежня Дапоўнена
Фота: "Белсат"
14 снежня "Вясна" працягвае фіксаваць новыя факты палітычнага пераследу ў Беларусі: затрыманні, вобшукі і іншыя формы ціску на грамадзянаў. На традыцыйным Маршы сталых людзей у Мінску 14 снежня было затрымана больш за 100 чалавек: іх размясцілі ў розных РУУС Мінска. Некаторых пасля складання пратаколу па арт. 23.34 КаАП пачалі выпускаць на волю, а некаторых – адпраўляць на Акрэсціна да суда.
|
Калі вас ці вашых блізкіх затрымалі, паведамляйце нам праз тэлеграм-бот @viasna_bot ці на гарачую лінію:
|
Дзе і як шукаць затрыманых у Мінску?
Сабралі інфармацыю аб тым, куды можна звяртацца, каб даведацца, дзе знаходзіцца затрыманы.
Пераслед 14 снежня
У Мінску 14 снежня супрацоўнікі ГУБАЗіКа затрымалі "ўладальніцу" тэлеграм-чатаў «Контроль автозаков Минск» і «ЧАТ лошков-петушков» Ганну Аленскую. Чат быў узламаны, у доме дзяўчыны праведзены вобшук. У тэлеграм-канале, які меркавана належыць ГУБАЗіКу, было размешчана пакаяльнае відэа з дзяўчынай.
Актывістку Наталлю Мікуліну, маці чацвярых дзяцей, хацелі затрымаць праз ватман з чырвонай паласой на вакне падчас свята з нагоды дня народзінаў яе дачкі. Але праз тое, што яна знаходзілася дома адна з дзецьмі, супрацоўнікі Савецкага РУУС вырашылі самі скласці пратакол і вярнуцца за подпісам.
