Справа Сяргея Рымшы: працэс, які доўжыцца амаль два месяцы
Сяргей Рымша ў судзе
Суд Ленінскага раёна Гародні 6 студзеня працягнуў разгляд крымінальнай справы мясцовага жыхара Сяргея Рымшы.
Яго абвінавачваюць адразу па двух артыкулах Крымінальнага кодэксу: 342 КК РБ і 364 КК РБ.
Справу разглядае суддзя Юрый Казакевіч. Дзяржаўны абвінаваўца — Мікіта Мыслівец.
За судовым працэсам сочыць праваабаронца Раман Юргель.
З судовых матэрыялаў вядома, што Сяргей Рымша быў на Савецкай плошчы Гародні дзявятага жніўня ў 23.15, калі ў таніраваны мікрааўтобус з сілавікамі паляцеў камень. Неўзабаве Сяргея затрымалі, збілі, завезлі ў Ленінскі РАУС, і паведамілі, што на яго заведзеная крымінальная справа.
У якасці пацярпелых выступаюць шэсць супрацоўнікаў міліцыі: Чарняўскі, Баярчук, Сталяр, Багушэвіч, Сацура і Літвін.
Сёння ў судзе быў дапытаны сведка з боку абвінавачана Сяргея Рымшы – Канстанцін Мядзведзеў. Пасля ягонага допыту у судзе былі прагледжаныя відэазапісы з камер назірання.
Пракурор пытаецца ў сведкі "Што рабіў Рымша за вашай спіной, бачылі?”
- Не, не бачыў.
Канстанцін Мядзведзеў якраз зафіксаваў на свой тэлефон момант, калі камень паляцеў у міліцэйскую “Газэль”.
Таксама праглядваўся відэазапіс з дня інцыдэнта, зроблены гэтым сведкам.
Суддзя запытаўся ў сведкі, навошта ён здымаў, набліжаў і факусаваў камеру і якраз у момант, калі камень кінулі ў міліцэйскі аўтамабаль.
Сведка: "Я не ведаю, гэта проста супадзенне пры здымцы таго, што адбываецца каля драмтэатра ў цэнтры Гродна".
Адвакат агучыў некалькі дакументаў з крымінальнай справы, нагадаўшы, што дакумент аб затрыманні Рымшы па арт. 364 КК РБ - не мае ні рэгістрацыі ні даты.
Кажа, што ўзнікаюць пытанні па законнасці гэтага працэсуальнага дзеяння.
Пракурор запрасіў перапынак для падрыхтоўкі да ўдзелу ў судовых спрэчках.
Суддзя Казакевіч прызначыў наступнае пасяджэнне на 14 студзеня. Пачатак у 14-30.
Сведкі па справе Сяргея Рымшы ўпэўненыя, што каменне кідаў ён
