Пераслед у Беларусі працягваецца 18-19 студзеня
Ганна Каско. Фота: Facebook Анжалікі Борыс
18-19 студзеня праваабаронцы "Вясны" працягваюць фіксаваць факты палітычнага пераследу ў Беларусі: затрыманні, вобшукі і іншыя формы ціску на грамадзянаў за іх актыўную грамадзянскую пазіцыю і незадаволеннасць дзеяннямі ўладаў.
|
Калі вас ці вашых блізкіх затрымалі, паведамляйце нам праз тэлеграм-бот @viasna_bot ці на гарачую лінію:
|
Наваполацк
Раніцай 18 студзеня ў Наваполацку ў рамках ч.1 арт. 130 і арт. 369 Крымінальнага кодэксу затрыманы Яўген Харашкевіч. У яго дома адбыўся ператрус, канфіскаваная тэхніка. Раней яго затрымлівалі ў жніўні па артыкуле 23.34 КаАП. Зараз ён знаходзіцца ў віцебскім СІЗА-2.
Гомель
Позна ўвечары 18 студзеня ў Гомелі таксама была затрыманая валанцёрка "Вясны" Марыя Тарасенка. У яе доме правялі вобшук, а яе саму змясцілі ў ІЧУ. Яе статус пакуль невядомы.
Ліда
19 студзеня працаўнікі КДБ у Лідзе затрымалі лекарку Ганну Каско – дачку Ірэны Бярнацкай, кіраўніцы «Звязу палякаў на Беларусі» ў Лідзе. Дзе цяпер знаходзіцца дзяўчына – невядома.
Брэст
19 студзеня ў прадмесці Брэста, Тэльмахах, прайшлі ператрусы ў трох хлопцаў. Пасля допыту ў Камітэце дзяржкантролю ўсіх адпусцілі.
Мінск
19 студзеня ў Верхнім горадзе затрымалі дзяўчын з бчб-парасонамі: іх пасадзілі ў бус і ўвезлі ў невядомым кірунку.
Дзе і як шукаць затрыманых у Мінску?
Сабралі інфармацыю аб тым, куды можна звяртацца, каб даведацца, дзе знаходзіцца затрыманы.
