Затрыманні студэнтаў у "Імагуру". Хроніка пераследу за пятага сакавіка Дапоўнена

Праваабарончы цэнтр "Вясны" пятага сакавіка працягвае фіксаваць факты палітычнага пераследу ў Беларусі: затрыманні, вобшукі і іншыя формы ціску на грамадзянаў за іх актыўную грамадзянскую пазіцыю і незадаволенасць дзеяннямі ўладаў.

Мінск

Тэлеграм-канал "Белыя халаты" паведаміў пра затрыманне ў Мінску на працоўным месцы лекара-неўролага Руслана Бадамшына, які раней прыцягваўся да адміністрацыйнай адказнасці за ўдзел у акцыях. Лекара выклікалі да начмеду, дзе апынуліся прадстаўнікі праваахоўных органаў, якія забралі лекара прама з працы. Месцазнаходжанне Руслана высвятляецца.

У сярэдзіне студзеня Руслана Бадамшына, які на той момант хварэў каранавіруснай інфекцыяй, затрымалі па дарозе з паліклінікі. Тады яму прысудзілі 15 сутак арышту з адтэрміноўкай на месяц. 

У кватэру да дваровага актывіста Антона Курыліка прыйшлі з вобшукам. У яго канфіскавалі стужкі, расцяжкі. Самога актывіста затрымалі пасля вобшуку. Таксама паведамляецца пра затрыманне Яўгена Дзмітрэвіча, Валер'яна Давіновіча.

Сёння каля 18:30 невядомыя ў масках прыйшлі на ўстаноўчую канферэнцыю Лігі студэнцкіх аб'яднанняў, якое праходзіла ў Імагуру. Сярод удзельнікаў мерапрыемства былі члены асноўнага складу Каардынацыйнай Рады Андрэй Ягораў і Віталь Рымашэўскі. На дадзены момант яны не выходзяць на сувязь. Таксама паведамляецца, што на мерапрыемстве былі затрыманы Аляксандр Паршанкоў і Вікторыя Смаляк. З імі сувязь таксама адсутнічае.

Андрэй Ягораў паведаміў, што ён у РУУС Маскоўскага раёна. Верагодна туды вязуць і астатніх удзельнікаў мерапрыемства.

Спіс затрыманых 5 сакавіка ў "Імагуру" (па інфармацыі "Вясны" і тг-канала "Спіскі затрыманых"):

1. Андрэй Ягораў (Маскоўскі РУУС) - адпусцілі;
2. Віталь Рымашэўскі (Маскоўскі РУУС) - адпусцілі;
3. Аляксандр Паршанкоў, БДУ - адпусцілі;
4. Вікторыя Смаляк, БДУ - адпусцілі;
5. Цімафей Красноў, юрфак БДУ - адпусцілі;
6. Анастасія Махамет, БДМУ (Ленінскі РУУС) - адпусцілі;
7. Станіслаў Сенюковіч, БДМУ (Кастрычніцкі РУУС);
8. Яўген Дзенісенка, БНТУ (Маскоўскі РУУС) - адпусцілі;
9. Сафія Маргунова, філфак БДУ;
10. Маргарыта Шабар - адпусцілі;
11. Кузьма Папакуль, БДАМ - адпусцілі;
12. Канстанцін Акінчыц, БДАМ - адпусцілі;
13. Уладзіслаў Калькоў - даставілі ў ЦІП;
14. Іван Каструкоў, юрфак БДУ - адпусцілі;
15. Лэйла Мефтах, БДМУ - адпусцілі;
16. Ганна Карпенка, БДМУ - адпусцілі;
17. Марцін Смалюга, БДУ - адпусцілі;
18. Кацярына Бурко, БДАІ - адпусцілі;
19. Кацярына Смольская, БДАІ - адпусцілі;
20. Тарадзецкая Марыя - адпусцілі;
21. Дзіяна Ігнаценка - адпусцілі;
22. Дзмітрый Кухлей - адпусцілі;
23. Крысціна Міраненка - дастаўлена ў ЦІП;
24. Генадзь Быкаў - адпусцілі;
25. Марыя Арыдава - адпусцілі;
26. Вадзім Маеўскі;
27. Уладзіслаў Фралоў - адпусцілі;
28. Алена Койда - адпусцілі;
29. Мікіта Жыбуль - адпусцілі.

У Наваполацку затрыманы прама ў паліклініцы актывіст Артур Сінега. Ён знаходзіцца на бальнічным і прыйшоў туды на прыём да лекара, дзе яго і затрымалі. Вядома, што яго павезлі ў Полацк. Напярэдадні ў Артура і некалькіх іншых актывістаз прайшлі вобшукі. Тады былі затрыманы Алена Гурчонак, Юлія Шэлепень у межах крымінальнай справы па арт.391 Крымінальнага кодэкса — абраза суддзі ў сувязі з ажыццяўленнем ім правасуддзя. 

Стала вядома прычына затрымання актывіста з Брэста Аляксандра Казлянкі. З пастановы аб ўзяцці пад варту вынікае, што Аляксандра падазраюць у арганізацыі перакрыцця дарог ў Брэсце ажно ў 2018 годзе. 5 траўня таго году анархісты блакавалі тры паласы трасы М1, пратэстуючы супраць будаўніцтва заводу АКБ. Знаёмыя хлопца кажуць, што пра тую акцыю ён ведаў, але ж удзелу не прымаў. Тым не меньш, Аляксандр ў статусе падазраванага па ч.2 арт.285 Крымінальнага кодэксу (Удзел у злачыннай арганізацыі) зараз пераведзены ў СІЗА-1.

У сваім тэлеграм-канале МУС паведаміла пра затрыманне ў Брэсцкай вобласці 7 удзельнікаў "Рэвалюцыйнага дзеяння" ў межах крымінальнай справы. Верагодна гутарка ідзе пра Аляксандра Казлянку, а таксама затрыманых 3 сакавіка пра берасцейцаў Андрэя Марача, Данілы Чуля, Паўла Шпетнага і Мікіты Дранца з Бярозы. Яны ўсе этапаваныя ў Мінск.

Затрыманні і новыя крыміналкі. Пераслед у Беларусі 3 і 4 сакавіка

Праваабаронцы "Вясны" і валанцёры 3 і 4 сакавіка працягваюць фіксаваць факты палітычнага пераследу ў Беларусі: затрыманні, вобшукі і іншыя формы ціску на грамадзянаў за іх актыўную грамадзянскую пазіцыю і незадаволенасць дзеяннямі ўладаў.

 Будзе дапоўнена