Праваабарончая праграма "Вясна" на Беларускім Радыё Рацыя
Кожны аўторак у 20:05 (паўтор у суботу ў 7:00) у эфіры незалежнай радыёстанцыі “Беларускае Радыё Рацыя” — праграма "Вясна", якая асвятляе падзеі, датычныя правоў чалавека.
Прэм'еру ў эфіры анлайн можна паслухаць на сайце Беларускага Радыё Рацыя па любых са спасылак тут, альбо тут.
Анонс праграмы на 27 красавіка:
Падзея: 26 красавіка праваабарончы цэнтр “Вясна” адзначыла сваё 25-годдзе. З гэтай нагоды прадстаўнікі арганізацыі ўзгадваюць пра тое, як яна развівалася, а таксама пра цяперашні грамадска-палітычны стан у Беларусі падчас узмацнення рэпрэсій.
Крымінальны пераслед: Юрысты і аналітыкі “Вясны” падрыхтавалі даклад “Крымінальны пераслед па палітычных матывах. Беларусь 2020-2021 года”. Прэзентаваны ён быў у дзень народзінаў “Вясны”. Якія галоўныя высновы зрабілі правабаронцы, прааналізаваўшы 150 крымінальных судоў?
Асоба: Марфа Рабкова, Марыя Каленік, Анжаліка Борыс, Антаніна Канавалава ды інш—з імі праваабаронца Таццяна Гацура-Яворская тыдзень правяла ў адной камеры СІЗА-1. Як яны жывуць і як чакаюць суда? Што думаюць пра свой пераслед? Дзе лепей сядзець — на Акрэсціна ці на Валадарцы?
У музычных паўзах – кампазіцыі ў выкананні розных гуртоў:
- AKUTE – Вечная вясна
- Rahis – Вясна
- S°unduk – Вясна
- Sciana – Вясна.by
- Віктар Шалкевіч – Вясна-Блюз
Аўдыёзапіс выпуску:
