У Пінску юнака асудзілі на два гады "хіміі" за тэлеграм-каментар пра Лукашэнку
Суддзя Яўгенія Мельнік і пракурор Кірыл Барысаў
Суд Пінскага раёна і горада Пінска 22 чэрвеня ў выязным рэжыме разгледзеў справу супраць пінчука Кірыла Барысава. Маладога чалавека абвінавацілі ў публічнай абразе Аляксандра Лукашэнкі паводле ч.1 арт. 368 Крымінальнага кодэкса.
Справу разглядала суддзя Яўгенія Мельнік, у якасці дзяржабвінаваўцы выступаў Ілля Гузарэвіч.
Пра прысуд стала вядома з відэа мясцовага дзяржаўнага тэлебачання. Так, закадравы голас паведамляе, што падставай для крымінальнай справы стаў тэлеграм-каментар пра Лукашэнку з нецэнзурнай лексікай. Пракурор удакладняе, што каментар быў напісаны ў 2022 годзе, піша "Берасцейская вясна".
На відэа трапіла і частка абвяшчэння прысуду: Кірыл Барысаў атрымаў два гады абмежавання волі з накіраваннем у папраўчую ўстанову адкрытага тыпу «хімія».
