Мінчука асудзілі на два гады "хатняй хіміі" за сарваны сцяг

У судзе Ленінскага раёна Мінска 16 жніўня асудзілі Сяргея Фірстава паводле арт. 370 (Здзек з дзяржаўных сімвалаў) Крымінальнага кодэкса. Суддзя Юлія Шут прызначыла Сяргею два гады абмежавання волі без накіравання ў папраўчую ўстанову адкрытага тыпу ("хатняй хіміі").

Сяргея абвінавацілі ў тым, што ён, знаходзячыся ў нецвярозым стане, сарваў чырвона-зялёны сцяг з фасаду адной з мінскіх крамаў. Мужчына пагнуў насценны кранштэйн, адарваў палотнішча і схаваў яго ў знаёмай дома.

Мінчук цалкам прызнаў віну і раскаяўся ў здзейсненым.

Да вынясення прысуду Сяргей знаходзіўся пад асабістым паручальніцтвам.