З'явіліся фэйкавыя боты "Вясны". Нагадваем сапраўдныя кантакты цэнтру
Звяртаем увагу, што апошнім часам у Telegram з'явіліся фэйкавыя боты, якія не маюць дачынення да "Вясны". Калі ласка, будзьце ўважлівыя пры камунікацыі, карыстайцеся сапраўднымі кантактамі праваабарончага цэнтру.
У "Вясны" існуе адзіны "Вясна-бот": ніякія астатнія не маюць дачынення да арганізацыі. Таксама не былі створаныя асобныя акаўнты для камунікацыі з кампаніяй "Праваабаронцы за свабодныя выбары". Калі вам пішуць незнаёмыя акаўнты і прадстаўляюцца людзьмі, якія маюць дачыненне да "Вясны", калі ласка, спраўдзіце іх праз афіцыйныя кантакты "Вясны".
Нагадваем сапраўдныя кантакты Праваабарончага цэнтру «Вясна»:
- Паведаміць аб затрыманні, а таксама даслаць вынікі адміністрацыйных справаў з судоў, аўдыё і тэкставую інфармацыю з судовых пасяджэнняў: Telegram-бот @viasna_bot | Telegram @ViasnaSOS, @SOSViasna
- Звярнуцца па дапамогу па юрыдычных пытаннях, а таксама абскардзіць пастанову суда: Telegram: @zvarot96 | Email: zvarot@spring96.org
- Калі вы пацярпелі ад катаванняў з боку сілавікоў ці сутыкнуліся з бесчалавечным і жорсткім абыходжаннем у ІЧУ або ЦІПе: Telegram: @ViasnaDOC | Email: viasnadoc@spring96.org
- Распавесці інфармацыю журналістам «Вясны»: Telegram: @Viasnainfo | Email: viasna@spring96.org
Афіцыйныя кантакты ПЦ «Вясна» можна паглядзець у апісанні @viasna96 ці на старонцы «Кантакты» на spring96.org.
Нагадаем, што "Вясну" прызналі "экстрэмісцкім фармаваннем". Гэта дае падставу для прыцягнення да крымінальнай адказнасці грамадзян і грамадзянак, якія ўдзельнічаюць у дзейнасці або ажыццяўляюць любую перадачу звестак або рэсурсаў прадстаўнікам "Вясны". Таму пры камунікацыі з праваабарончым цэнтрам варта прытрымлівацца пэўных захадаў бяспекі. Нагадваем пра іх.
"Вясну" прызналі "экстрэмісцкім фармаваннем"
