Эдуарду Бабарыку дадалі тэрмін зняволення Дапоўнена
Эдуард Бабарыка на на агалошванні прысуду 5 ліпеня 2023 года
Палітзняволенага Эдуарда Бабарыку прызналі вінаватым паводле ч. 2 арт. 411 Крымінальнага кодэксу (злоснае непадпарадкаванне патрабаванням адміністрацыі папраўчай установы).
Паводле інфармацыі "Вясны", Эдуарда асудзілі да двух гадоў пазбаўлення волі. Паводле крыніцаў "Белсату", яго пакаралі пазбаўленнем волі на тэрмін год і шэсць месяцаў.
Справу разглядаў суддзя Павел Карцінін на выязным пасяджанні ў калоніі.
Нагадаем, Эдуарда ў ліпені 2023 года асудзілі да 8 гадоў зняволення. Пры гэтым у тэрмін не залічылі час утрымання ў СІЗА КДБ па першапачатковаму абвінавачванню — паўтара года. Яго прызналі вінаватым паводле трох артыкулаў Крымінальнага кодэкса. Тэрмін палітвязень адбывае ў бабруйскай калоніі № 2. Там на яго ўвесь час ціснула адміністрацыя калоніі, а з 1 красавіка яго змясцілі ў ПКТ.
