Затрыманне ў Кобрыне, "хапун" у Мазыры: хроніка пераследу 3-5 жніўня
У Беларусі не спыняюцца затрыманні, ператрусы, катаванні ў ізалятарах, аказваецца ціск на палітвязняў, незалежныя медыяпрадукты прызнаюць "экстрэмісцкімі матэрыяламі і фармаваннямі". Праваабарончы цэнтр "Вясна" 3-5 жніўня 2024 году збірае факты палітычнага пераследу беларусаў і беларусак – інфармацыя ўвесь час дапаўняецца.
|
Калі вас ці вашых блізкіх затрымалі, паведамляйце нам:
|
За "распаўсюд экстрэмізму" затрымалі жыхара Дрыбіна
- Аляксандр Шыкаў
На "пакаяльным відэа" ад пятага жніўня мужчына таксама кажа, што з'яўляецца "чорным капальнікам", таму дома ў яго захоўваліся боепрыпасы і выбуховыя рэчывы.
Паводле інфармацыі праваабаронцаў, затрыманы — Аляксандр Шыкаў.
"Хапун" у Мазыры — затрымалі як мінімум пяць мясцовых жыхароў
На "пакаяльным відэа" ад пятага жніўня ўсе яны кажуць, што былі падпісаныя на "экстрэмісцкія" суполкі ў сацсетках і рабілі адтуль рэпосты.
Затрымалі дваіх жыхароў Кобрына за ўдзел у пратэстах у 2020-м
- Вячаслаў Беразавец і Таццяна Данілюк
На "пакаяльным відэа" ад трэцяга жніўня затрыманы хлопец кажа, што ў 2020 годзе ўдзельнічаў у пратэстах і "паказваў дупу ў бок супрацоўнікаў міліцыі". Затрыманая дзяўчына распавядае, што ў 2020 годзе кідалася ў бойку з сілавікамі, аблівала іх півам, "паказвала дупу і ф*k".
"Медыязона" знайшла старонкі затрыманых у сацсетках. Там мужчына падпісаны як Вячаслаў Беразавец, а дзяўчына — Таццяна Данілюк.
