Арышты, "забароненыя выданні" і абноўлены "Спіс экстрэмістаў": хроніка пераследу 22-24 лістапада

У Беларусі не спыняюцца затрыманні, ператрусы, катаванні ў ізалятарах, аказваецца ціск на палітвязняў, незалежныя медыяпрадукты прызнаюць "экстрэмісцкімі матэрыяламі і фармаваннямі". Праваабарончы цэнтр "Вясна" 22-24 лістапада 2024 году збірае факты палітычнага пераследу беларусаў і беларусак. Інфармацыя ўвесь час дапаўняецца.

Пасля затрыманняў у Смаргоні некалькі чалавек застаюцца пад арыштам

Юрась Кутузаў

Вядома, што пад арыштам застаецца вядомы грамадскі актывіст ранейшых гадоў Юрась Кутузаў. Ён у следчым ізалятары Гродна. Мяркуючы па ўсім, супраць яго распачатая крымінальная справа. Па якім дакладна артыкуле — пакуль невядома.

Не выйшла з арышту і яшчэ адна з затрыманых — Марыэт Валюк, паводле некаторых звестак яна знаходзіцца ў следчым ізалятары ў Мінску. Верагодна, не выйшла на волю і яшчэ адна маладая дзяўчына, імя якой пакуль невядомае.

Агулам пад "зачыстку" ў Смаргоні трапілі каля 12 чалавек, большасць з іх выйшла на волю пасля "сутак", піша "Гарадзенская Праваабарона".

Блогер Vadimati просіць адпісацца ад яго старонкі ў Instagram

Былы палітвязень і блогер Вадзім Ермашук папярэдзіў падпісантаў, што ягоны акаўнт у Instagram можа быць прызнаны "экстрэмісцкім".

У раскладзе судоў з'явілася інфармацыя, што судовае пасяджэнне па справе "Аб прызнанні інфармацыйнай прадукцыі экстрэмісцкімі матэрыяламі" прызначанае на 27 лістапада. Яно пройдзе ў судзе Ленінскага раёна Гродна. Справу будзе разглядаць суддзя Артур Лешык.

Vadimati раіць усім падпісантам адпісацца ад яго старонкі, каб пазбегнуць магчымых наступстваў, піша канал "Суды, задержания. Гродно и область".

Палітвязняў прымушаюць пісаць прашэнні на памілаванне 

Па інфармацыі "Вясны" ў адной з калоній палітвязням, якіх толькі перавялі ў папраўчую ўстанову, прапануюць адразу пісаць на памілаванне.

У ліпені "Вясна" паведамляла, што ў наваполацкую калоніі № 1 кожны дзень прыязджаюць прадстаўнікі мінскай пракуратуры, якія прымушаюць палітвязняў пісаць прашэнні аб памілаванні.

Нагадаем, з ліпеня на волю па памілаванні выйшлі 178 палітвязняў. У гэты самы час 223 іншых чалавекі атрымалі статус палітычнага зняволенага.

У "Спіс экстрэмістаў" дадалі яшчэ 36 прозвішчаў — цяпер у ім 4692 чалавекі

22 лістапада МУС зрабіла традыцыйны пятнічны апдэйт "Пераліка грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці".

Сярод іншых, у спіс дадалі бацьку палітзняволенага Мікіты Залатарова Міхаіла Лапунова, завочна асуджанага Валера Водзіна, гісторыка Ігара Мельнікава.

Мінінфарм апублікаваў спіс "забароненых выданняў"

Міністэрства інфармацыі размясціла на сваім сайце "Спіс друкаваных выданняў, якія змяшчаюць інфармацыйныя паведамленні і (або) матэрыялы, распаўсюд якіх здольны нанесці шкоду нацыянальным інтарэсам Рэспублікі Беларусь".

У спісе 36 пазіцый, піша "Наша Ніва".

• Нарысы гісторыі Беларусі (1795 — 2002). — Мн.: "Энцыклапедыкс", 2003. — 490 с.
• Тайны белорусской истории / Деружинский Вадим. — Минск: ФУАинформ, 2011. — 560 с.: илл. — (Неизвестная история)
• Цвірка, К. На скрыжалях вякоў: гістарычныя творы / Кастусь Цвірка. — Мінск: Харвест, 2018. — 560 с.
• Лето в пионерском галстуке: роман / Елена Малисова, Катерина Сильванова. — Москва: Popcorn Books, 2021 — 544 с.
• О чем молчит ласточка: роман Елена Малисова, Катерина Сильванова. — Москва: Popcorn Books, 2022 — 688 с.
• Мальчик, которого растили как собаку / Брюс Перри, Майя Салавиц; перевод с английского К.А.Савельева. — Москва: Эксмо, 2024. — 448 с.
• Дни нашей жизни / Микита Франко. — Москва: Popcorn Books, 2020 — 400 с.
• Окна во двор / Микита Франко. — Москва: Popcorn Books, 2022 — 656 с.
• В конце они оба умрут: роман / Адам Сильвера; пер. с англ. Д.Расковой. — Москва: Popcorn Books, 2021 — 400 с.
• Скорее счастлив, чем нет: роман / Адам Сильвера; пер. с англ. Е.Морозовой. — Москва: Popcorn Books, 2021 — 400 с.
• Воскресни за 40 дней: роман / Медина Мирай. — Москва: Издательство АСТ, 2022. — 272 с. — (Медина Мирай. Молодежные хиты)
• Школония: роман / Медина Мирай. — Москва: Издательство АСТ, 2022. — 432 с. — (Медина Мирай. Молодежные хиты)
• Осколки нашей реальности: роман / Медина Мирай. — Москва: Издательство АСТ, 2022. — 448 с. — (Медина Мирай. Молодежные хиты)
• Быть Мирандой. Как я стала собой, изменив пол / Миранда Зомберг. — Москва: Эксмо, 2022. — 288 с.
• Сучки. Секс, эволюция и феминизм в жизни самок животных / Люси Кук; перевод с англ. Н.Ю.Исаевой. — Москва: Эксмо, 2024. — 368 с. — (Невероятные животные. Бестселлеры об удивительных загадках природы)
• Моя темная Ванесса / Кейт Элизбет Рассел; пер. с англ. Л.Карцивадзе. — М.: Синдбад, 2024. — 432 с.
• ВИЧ-положительная: роман / Кэрин Гарретт; пер. с англ. Л.Рейер. — Москва: Popcorn Books, 2020 — 352 с.
• Исповедь: роман / Сьерра Симоне; пер. с англ. Е.Ковалевой. — Москва: Издательство АСТ, 2024. — 416 с.
• Интимная Русь. Жизнь без домостроя, грех, любовь и колдовство / Надежда Адамович, Наталья Серегина. — Москва: МИФ, 2024. — 336 с.: ил. — (Страшно интересная Россия)
• Ее королевское высочество: роман / Рейчел Хокинс; пер. с англ. Натальи Вишневецкой. — Москва: Издательство АСТ, 2022. — 288 с. — (Звезды молодежной прозы)
• Испорченный король / Рина Кейт; перевод с англ. С.Васиной. — Москва: Издательство АСТ, 2024. — 2024. — 384 с. — (LAV. Романтика)
• Стальная принцесса / Рина Кейт; перевод с англ. — Москва: Издательство АСТ, 2024. — 2024. — 384 с. — (LAV. Романтика)
• Преследуя Аделин: роман / Х.Д.Карлтон; пер. с англ. Л.Войтиковой. — Москва: Издательство АСТ, 2024. — 640 с. — (LAV. Романтика)
• Охотясь на Аделин: роман / Х.Д.Карлтон; пер. с англ. Л.Войтиковой. — Москва: Издательство АСТ, 2024. — 640 с. — (LAV. Романтика)
• Порочные + божества. в 3-х томах. — М.: ИП Коташевская Б.Д. — 2017. — 172 с.
• 120 дней содома: роман / маркиз де Сад; перевод с французского Е.Храмова. — Москва: Издательство АСТ, 2024. — 480 с. — (Эксклюзивная классика)
• Уничтожь меня везде! Кери Смит
• серия книг "Гангста. Gangsta", Коскэ
• серия книг "Магическая битва" Гэгэ Акутами
• серия книг "Выдающиеся звери" Итагаки, Пару
• серия книг "Благословение небожителей" Мосян Тунсю
• серия книг "Основатель Тёмного Пути" Мосян Тунсю
• серия книг "Токийский гуль" Суи Исида
• серия книг "Токийский гуль: re" Суи Исида
• Токийский гуль: zakki / Cуи Исида; пер с яп. А.Деминой. — СПб.: Азбука, Азбука-Аттикус, 2021. — 112 с.

Instagram-старонка былога палітвязня Аляксандра Кабанава прызнаная "экстрэмісцкай"

Адпаведнае рашэнне прынятае 19 лістапада судом Ленінскага раёну Брэста.

Таксама ў Спіс экстрэмісцкіх матэрыялаў дадалі Telegram-каналы і чаты "Бавовна", "БЧБ Киберотряд", старонку ў Facebook "Быць belarusam", а таксама старонкі ў "Аднакласніках" "Беларускiя сацыял-дэмакраты" і "Краткая история Беларуси за последнюю 1000 лет".