Віцебскія маладафронтаўцы накіроўваюць скаргі ў пракуратуру

У віцебскае аддзяленне Праваабарончага цэнтру “Вясна” зьвярнуліся маладафронтаўцы Лагавіер Андрэй і Іваноў Сяргей, якія 12 кастрычніка 2004 года былі затрыманыя
на вуліцы газэты "Праўда" міліцыянамі Кастрычніцкага РАУС за расклейку
налепак народнай кааліцыі "5+" і налепак "Скажы Лукашэнку
НЕ!". Матэрыялы па адміністрацыйным правапарушэнні на хлопцаў былі
разгледжаныя адміністрацыйнымі камісіямі Кастрычніцкага і Першамайскага
раёнаў. Пастановы камісій аб накладанні штрафаў за парушэнні арт.172 ч.3 КоАП РБ прыйшлі поштай па сканчэнні 10 дзён, неабходных дзеля абскарджвання пастановаў у
судах. У сувязі з гэтым маладафронтаўцы накіравалі скаргі на няправільныя прымяненьні нормаў арт.172 да распаўсюджвальнікаў агітацыйных матэрыялаў накіраваны ў раённыя пракуратуры.