Беларускі Хельсінскі камітэт стаў партнёрам Савета Еўропы

Сёньня на офіс БХК прыйшло паведамленьне аб тым, што Савет Еўропы надзяліў БХК статусам партнёра, тым самым прызнаючы працоўныя адносіны, якія склаліся паміж Саветам Еўропы і рэспубліканскай праваабарончай арганізацыяй.

Статус партнёра СЕ для нацыянальных грамадскіх аб’яднаньняў быў заснаваны у 2003 годзе, каб адзначаць супрацоўніцтва, актыўную і канструктыўную ролю нацыянальных незалежных грамадскіх аб’яднаньняў у рэалізацыі Праграмы дзеяньняў Савета Еўропы.

Арганізацыі, якія маюць статус партнёра Савета Еўропы, могуць наведваць сесіі Парламенцкай асамблеі і Кангрэса рэгіянальных урадаў Савета Еўропы, іншыя мерапрыемствы і семінары СЕ, а таксама атрымліваць інфармацыю аб дзейнасьці гэтай еўрапейскай уплывовай арганізацыі.