Бабруйск: На выбарчых участках змяняюць колькасць жыхароў
У новых раёнах Бабруйска, якія працягваюць дабудоўвацца і сёння, колькасць жыхароў пастаянна расце. Так, напрыклад, у мікрараёне “Захадні” на часы мінулых выбараў насельніцтва было ледзь не ўдвая менш, чым зараз. Суадносна, павялічылася ў два разы і колькасць выбаршчыкаў.
Але, як стала вядома ад аднаго з супрацоўнікаў навучальных устаноў мікрараёна, у якой размяшчаецца выбарчы ўчастак, работнікі атрымалі загад “зверху” – змяншаць колькасць выбаршчыкаў на паперы. Гэта робіцца для перастархоўкі ў тым выпадку, калі ў дзень выбараў на ўчасткі прыйдзе мала людзей.
- “Аказалася, што для таго, каб паказаць добрую “яўку” на выбары, дастакова штучна “зменшыць” колькасць жыхароў раёна. І гэтак робіцца па ўсяму гораду”, - сцвярджае суразмоўца.
«Праваабаронцы за свабодныя выбары»
