Скончыўся 9-nы дзень галадоўкі моладзі ў Жодзіне.
Акцыя салідарнасьці з выключаным з Жодзінскага Палітэхнікума за ўдзел у “Чарнобыльскім Шляху 2005” Сяргеям Мурашкам (17 год) і перасьледуемымі за падтрымку юнака Максімавай Натальлі і Галубец Вольге (Жаночая Гімназія) пачалася а восьмай гадзіне раніцы 25.05.2005 г.
2 чэрвеня стала вядома, што Жодзінская пракуратура ў чарговы раз не выканаўшы свае абавязкі “адфутболіла” дасланы з адміністратыўнай камісіі выканкаму загад дырэктара Жодзінскага Палітэхнікума сп. Талерчыка. На фоне паглыбляючагася канфлікту і небясьпекі значнага пагаршэньня стану здароўя галадуючых у Жодзіне, у Жодзіне, улады ўрэшце “вырашылі нейкім чынам дзейнічаць” ...
Так, пасьля 2 чэрвеня 11.00 да бацькоў адлічанага з Жодзінскага Палітэхнікуму Сяргея Мурашкі (17 год) патэлефанавалі з выканкаму і паведамілі, што заўтра, 3 чэрвеня аб 11-00 адбудзецца чарговы разгляд гэтага пытаньня ў Адміністратыўнай камісіі Жодзінскага выканкаму па справах непаўнагадовых.
Бацькі Сяргея Мурашкі адразу паведамілі пра гэты званок праваабаронцу Аляксею Лапіцкаму, які трымае кантакт з галадоўшчыкамі Праваабарончым Цэнтрам “Вясна”.
Правабаронцы рыхтуюць адпаведную заяву ў суд, бо ёсьць магчымасьць даказаць незаконнасьць дзеяньняў адміністрацыі Палітэхнікума, якая парушае правілы Мінадукацыі аб адлічэньні вучняў з навучальных установаў.
