На выбарах засталіся 66 кандыдатаў у дэпутаты ад аб'яднанай апазіцыі

У выбарах працягваюць удзельнічаць 66 кандыдатаў у дэпутаты ад Аб'яднаных дэмакратычных сіл (АДС). З выбарчай гонкі выбылі 12 зарэгістраваных кандыдатаў аб'яднанай апазіцыі.

БелаПАН нагадвае, што АДС дазволілі сваім кандыдатам самастойна прымаць рашэнне пра далейшы ўдзел у выбарах альбо зняццё з іх.

За апошнія дні з выбараў зняліся сябры Аб'яднанай грамадзянскай партыі Васіль Палякоў (Гомельская-Савецкая выбарчая акруга № 34), Леанід Судаленка (Хойніцкая № 47), Аляксандр Дабравольскі (Свіслацкая № 94), Валянціна Палевікова (Купалаўская № 95), Станіслаў Багданкевіч (Чкалаўская № 96), Ганна Ягорава (Паўднёва-Заходняя № 99), Кацярына Маласаева (Коласаўская № 106), сябры Партыі БНФ Валер Пуціцкі (Рэчыцкая № 44), Станіслаў Суднік (Лідская № 54), Аляксей Янукевіч (Аўтазаводская № 92), а атксама прадстаўнікі аргкамітэта па стварэнні грамадскага аб'яднання "БХД" Таццяна Севярынец (Віцебская-Горкаўская № 17), Кастусь Жукоўскі (Буда-Кашалёўская № 38).

Прычыны зняцця — парушэнні пры фармаванні ўчастковых выбарчых камісій, перашкоды з боку ўлад падчас правядзення агітацыйнай кампаніі.