Урад Беларусі павінен выканаць 12 рэкамендацый Міжнароднай арганізацыі працы

У Менску знаходзіцца  група экспертаў Міжнароднага бюро працы на чале з дырэктарам Кары Тапіёлам і генеральным сакратаром  Міжнароднай канфедэрацыі прафсаюзаў Гайям  Райдэрам.

 
Як паведаміў старшыня Беларускага кангрэса дэмакратычных прафсаюзаў Аляксандр Ярашук, асноўная мэта візіту — удзел у семінары па выкананні беларускім урадам рэкамендацый Міжнароднай арганізацыі працы. Семінар, закліканы палепшыць сітуацыю з захаваннем правоў незалежных прафсаюзаў у Беларусі.

 
За парушэнні правоў прафсаюзаў у чэрвені 2007 года Беларусь была выключана з Генеральнай сістэмы прэферэнцый Еўрасаюза. Для вяртання прэферэнцый урад Беларусі павінен выканаць 12 рэкамендацый МАП. У прыватнасці, прадставіць незалежным прафсаюзам магчымасць рэгістраваць свае  філіі, даць ім права працаваць нараўне з афіцыйнымі прафсаюзамі.