Чарговыя спробы перашкодзіць ці нашкодзіць палякам адбыліся ў Горадні

У сувязі з падзеямі апошніх дзён у Горадні працуе здымачная група польскага тэлебачаньня. Сёньня група мела намер паехаць у Ліду на працэс. Аднак раніцай на платнай стаянцы з аховай шафёр групы знайшоў машыну польскага тэлебачаньня з прабітымі пярэднім і заднім правымі коламі.

Тым ня менш, польская тэлежурналістка Агнешка Раманоўска ў Ліду на суд трапіла, скарыстаўшы іншы транспарт, паведаміла радыё Свабода.