У Наваполацку беспадстаўна затрымліваюць актывістаў
Днямі ў Наваполацку супрацоўнікі міліцыі затрымалі сябра арганізацыі “Моладзь БНФ” Аляксея Трубкіна і яго сябра Андрэя Мікалаева.
Увечары 13 ліпеня маладыя людзі гулялі па горадзе, калі да іх падыйшлі міліцыянты і абвінавацілі іх у расклейванні налепак. Затрыманых Трубкіна і Мікалаева даставілі ў пастарунак, дзе правялі дагляд іх асабістых рэчаў. Ніякіх налепак у падчас дагляду не знайшлі.
Супрацоўнікі міліцыі адпусцілі затрыманых з пастарунку, загадаўшы раніцай наступнага дня з’явіцца ў РУУС.
14 ліпеня Аляксей Трубкін і Андрэй Мікалаеў наведаліся ва ўпраўленне унутраных справаў. Там з імі правялі гутарку. Ніякіх пратаколаў на маладых людзей не складалі.
Трэба адзначыць, што наваполацкая міліцыя не ўпершыню практыкуе беспадстаўныя затрыманні ў дачыненні да мясцовых актывістаў, і ў прыватнасці да Аляксея Трубкіна.
