Беларускія памежнікі не пусцілі Сяргея Салаша ў ЗША

Палітыка завярнулі пры праходжанні ў аэрапорце пашпартнага кантролю, паведаміўшы, што ён знаходзіцца ў спісе невыязных з краіны.

Сяргей Салаш павінен быў ляцець у ЗША па адукацыйнай праграме на тры тыдні. Разам з ім, за акіян накіроўваліся і іншыя мясцовыя лідэры, але ні ў каго больш праблем не ўзнікла.

Цікава, што 1‑2 ліпеня Салаш знаходзіўся ў Літве, і тады ніякіх перашкод у перасячэнні беларускай мяжы пагранічнікі не чынілі. А перад атрыманнем амерыканскай візы Сяргей браў даведку аб дазволе на выезд ў Мінскім абласным аддзяленні Міністэрства ўнутраных справаў, яе таксама выдалі адразу ж.