Баранавіцкіх маладафронтаўцаў пакаралі штрафамі
У Баранавічах прайшлі суды над актывістамі незарэгістраванай арганізацыі “Малады фронт” Арцёмам Ластавецкім, Пятром Рузавым, Сямёнам Былінскім і Юрыем Багдановічам.
Суддзя Аксана Сарахман абвінаваціла Юрыя Багдановіча ў парушэнні часткі 1 арт. 23.34 КаАП ім пакарала грашовым штрафам у памеры 5 базавых велічыняў(175 тысяч рублёў). Пятру Рузаву акрамя пяці базавых за ўдзел у пікеце прыгадалі яшчэ й няяўку ў ваенкамат па позве. Суддзя дадаткова па артыкуле 25.1 КаАП прысудзіла 2 базавыя велічыні.
Больш памяркоўна да справы падыйшла суддзя Тацяна Жэрко, якая разглядала адміністрацыйныя справы Сямёна Былінскага і Арцёма Ластавецкага. Іх прысудзілі да штрафу па 4 б.в.(140 тысяч рублёў).
Як стала вядома, ноч актывісты правялі ў аддзяленьні міліцыі ў клетцы, без вады і ежы.
