Эўразьвяз выказваецца ў падтрымку “Народнай Волі”
Рада міністраў Эўрапейскага зьвязу выступіла з заявай, у якой выказала сваю заклапочанасьць будучыняй незалежнай прэсы у Беларусі. Прадстаўнікі Эўразьвязу асудзілі знішчальны штраф, накладзены на газэту “Народная воля” і адмову ёй у друкаванні і распаўсюдзе.
Эўразьвяз заклікаў урад Беларусі паважаць абавязаньні ў межах АБСЭ у галіне свабоды выказваньняў, свабодных мэдыяў і інфармацыі ды заклікаў даць магчымасьць незалежнай прэсе выходзіць без перашкодаў. У гэтым жа звароце міністру інфармацыі Беларусі прапанавана сустрэцца з кіраўніком прадстаўніцтва Эўразьвязу у Менску і абмеркаваць сытуацыю з мэдыямі.
Па зьвестках радыё Свабода, у рэдакцыі “Народнай волі” чакаюць, што 6 кастрычніка калектыў наведаюць амбасадары краінаў Эўразьвязу і перададуць свой зварот у падтрымку газэты.
