БХД просіць Лукашэнку рэзідэнцыю: Усё адно мы туды пераедзем
https://spring96.org./be/news/30139
2009
2009-10-26T14:07:00+0200
2009-10-26T14:07:00+0200
1970-01-01T03:00:00+0300
be
https://spring96.org./files/images/sources/bhd4.jpg
Сустаршыні Беларускай хрысціянскай дэмакратыі Павел Севярынец, Віталь Рымашэўскі, Аляксей Шэін звярнуліся да Аляксандра Лукашэнкі з просьбай прадставіць для з’езду партыі будынак рэзідэнцыі прэзідэнта.
Дагэтуль БХД атрымала 11 адмоваў на памяшканне. Не выключана, што з’езд адбудзецца 31 кастрычніка проста на Кастрычніцкай плошчы.
«Але ж глыбокая восень. Холадна ўсё‑такі. Таму мы звяртаемся да Вас наконт магчымасці прадставіць памяшканне для з’езду БХД у Рэзідэнцыі прэзідэнта. Кажуць, там месца хапае. Зноў жа, побач з плошчай. Тым больш, мы, як маладыя і перспектыўныя палітыкі, пасля перамогі ўсё роўна збіраемся туды пераязджаць. З нецярпеннем чакаем Вашага адказу», — пішацца ў заяве.
