ЕС папросяць пракантраляваць выкананне правоў журналістаў у Беларусі
https://spring96.org./be/news/30262
2009
2009-11-09T10:53:39+0200
2009-11-09T10:53:39+0200
1970-01-01T03:00:00+0300
be
https://spring96.org./files/images/sources/mizhnarod_fedyracyja_zhurna.jpg
Міжнародная федэрацыя журналістаў мае намер звярнуцца ў структуры Еўрасаюза з просьбай пракантраляваць беларускі ўрад у справе выканання правоў журналістаў. Пра гэта ў Берліне заявіў генеральны сакратар арганізацыі Айдан Уайт.
Міжнародная федэрацыя журналістаў не падтрымлівае "палітыку беларускіх уладаў у адносінах татальнага кантроля інфармацыйнай сістэмы". Яна мае намер выкарыстаць любую магчымасць данесці да еўрапейскіх краін пасыл аб тым, каб "яны не супрацоўнічалі з беларускімі ўладамі, калі тыя рэпрэсуюць журналістыку і абмяжоўваюць медыя".
БелаПАН адзначае, што ў шэрагах Міжнароднай федэрацыі журналістаў налічваецца каля 600 тысяч сяброў у больш чым 100 краінах свету.
