Гродна: Прадстаўніка БХК не пусцілі на паседжанне па фармаванні тэрытарыяльнай камісіі

Прадстаўнік БХК па Гарадзенскай вобласці Раман Юргель паведаміў, што сёння яго не пусцілі на сумеснае паседжанне Гарадзенскага абласнога выканаўчага камітэту і Прэзідыума Гарадзенскага абласнога Савету дэпутатаў па ўтварэнні тэрытарыяльнай выбарчай камісіі па выбарах дэпутатаў мясцовых Саветаў. Раман Юргель меў накіраванне ад БХК, але па яго словах намеснік начальніка аддзелу па арганізацыйна-кадравай працы Сяргей Хацук не дазволіў прысутнічаць на паседжанні і параіў звярнуцца па дазвол да выконваючага абавязкі старшыні аблвыканкаму Івана Жука. Аднак у кабінет да яго Юргеля не пусцілі. Урэшце кіраўнік справамі аблвыканкаму Мікалай Прысада пацвердзіў, што прысутнічаць на паседжанні па ўтварэнні тэрытарыяльнай камісіі Раман Юргель не зможа.

“Праваабаронцы за свабодныя выбары”