У Мінску вызначаны месцы, забароненыя для збору подпісаў у падтрымку кандыдатаў у дэпутаты гарсавета

У Мінску вызначаны месцы, забароненыя для правядзення пікетавання з мэтай збору подпісаў выбаршчыкаў па вылучэнню кандыдатаў у дэпутаты Мінскага гарадскога Савета дэпутатаў 26-га склікання. Адпаведнае рашэнне прыняў Мінгарвыканкам, перадае карэспандэнт БЕЛТА.

У адпаведнасці з часткай дзевятай артыкула 61 Выбарчага кодэкса ў сталіцы забаронена праводзіць пікетаванні для збору подпісаў выбаршчыкаў па вылучэнню кандыдатаў у дэпутаты гарсавета ў наступных месцах:

на аб'ектах метрапалітэна, чыгуначнага, воднага і паветранага транспарту;

на адлегласці менш за 200 м ад будынкаў рэзідэнцыі Прэзідэнта Беларусі, Нацыянальнага сходу, Савета Міністраў, телерадыёцэнтра, падземных пешаходных пераходаў, станцый метрапалітэна;

на адлегласці менш за 50 м ад будынкаў рэспубліканскіх органаў дзяржаўнага кіравання, мясцовых прадстаўнічых, выканаўчых і распарадчых органаў, дыпламатычных прадстаўніцтваў і консульскіх устаноў, судоў, органаў пракуратуры, тэрыторый арганізацый, якія забяспечваюць абараназдольнасць, бяспеку дзяржавы і жыццядзейнасць насельніцтва (грамадскі транспарт, прадпрыемствы вода-, цепла-і энергазабеспячэння, бальніцы, паліклінікі, дзіцячыя дашкольныя ўстановы, школы).

Галоўнаму ўпраўленню ўнутраных спраў Мінгарвыканкама даручана забяспечыць ахову грамадскага парадку ў сталіцы ў час збору подпісаў выбаршчыкаў па вылучэнню кандыдатаў у дэпутаты, прыняць меры па недапушчэнню правядзення пікетавання для збору подпісаў выбаршчыкаў у забароненых месцах.