Магчымых кандыдатаў – на ўмацаванне баяздольнасці?

У Глыбокім ініцыятыўная група Зміцера Лупача, прадстаўніка незарэгістраванай Беларускай Хрысціянскай Дэмакратыі, актыўна збірае подпісы для вылучэння яго ў гарадскі Савет дэпутатаў. Тым часам самога вылучэнца меліся забраць на вайсковыя зборы, што павінны  праходзіць у Баравусе пад Полацкам з 5 па 30 красавіка.

Выратаваў ад збораў спадара Лупача толькі факт наяўнасці ў яго  трох дзяцей. У ваенкамаце сваю памылку патлумачылі адсутнасцю інфармацыі пра трэцяе дзіцё. Калі б у сям’і было толькі двое дзетак, Зміцер  замест правядзення кампаніі ўмацоўваў бы баяздольнасць Беларусі на зборах у Баравусе.

“Праваабаронцы за свабодныя выбары”