Барысаў: Ад перамены месца вынік не зменіцца

 У мінулым нумары газеты барысаўскай раённай вертыкалі "Адзінства" (№29) апублікаваны спіс зарэгістраваных кандыдатаў у дэпутаты Барысаўскага раённага і Менскага абласнога Саветаў дэпутатаў.

 Характэрна, што шматгадовы намеснік старшыні Барысаўскага райвыканкама Валянціна Шутко, якая перажыла на гэтай пасадзе некалькіх кіраўнікоў выканаўчай улады ў рэгіёне, вылучаецца ў абласны Савет, сябрам прэзідыўма якога яна цяпер з'яўляецца, па Барысаўскай цэнтральнай выбарчай акрузе №27.  На папярэдніх выбарах яна атрымала "элегантную" перамогу ў Залінейнай акрузе №30. Выбары ў гэтай акрузе былі безальтэрнатыўнымі, паколькі яе патэнцыйны супернік, лідэр барысаўскіх сяброў партыі БНФ Сяргей Салаш не быў зарэгістраваны. Як ні дзіўна, але Шутко не стала паўторна балатавацца ў Залінейным раёне, адкуль яна родам, дзе расла і дзе скончыла сярэднюю школу.

"Праваабаронцы за свабодныя выбары"