Актывіста Яўгена Якавенку зрабілі “ўхілістам” і будуць судзіць
Справу па ўхіленьні ад вайсковага прызыву актывіста “Беларускай хрысціянскай дэмакратыі” Яўгена Якавенкі перадалі ў суд Цэнтральнага раёну Гомеля. Аб гэтым ён даведаўся сёньня, калі атрымаў ліст з мясцовай пракуратуры.
Раней апазіцыянера абвінавацілі па ч. 1 арт. 435 Крымінальнага кодэкса Рэспублікі Беларусь і 22 сакавіка дапыталі ў АУС Цэнтральнага раёна Гомеля . Мерай стрыманьня была вызначаная падпіска аб нявыездзе.
Аб узбуджэнні крымінальнай справы Якавенку паведамілі 19 сакавіка ў АУС Цэнтральнага раёна Гомеля, куды грамадскага актывіста выклікалі па позве. Раней Якавенка прыцягваўся судом Савецкага раёна да адміністрацыйнай адказнасці за няяўку ў ваенкамат па позве - 11 лютага ён быў аштрафаваны на пяць базавых велічынь. Але 13 сакавіка Гомельскі абласны суд скасаваў дадзенае рашэнне райсуда.
