Баранавічы: Праўладныя кандыдаты ігнаруюць рашэнне выканкаму
Улётка Мікалая Шырко пры ўваходзе ў гарадскую баню “Тонус”
Кандыдаты ў дэпутаты Сяргей Наўроцкі, Юрый Грамакоўскі і Мікалай Шырко парушаюць рашэнне Баранавіцкага гарвыканкама ад 12.02.2010г. № 379 аб месцах для агітацыі. У сваім рашэнні Баранавіцкі гарвыканкам вызначыў наступныя месцы для размяшчэння інфармацыйных матэрыялаў аб кандыдатах у дэпутаты: рэкламна-інфармацыйныя тумбы, адпаведныя стэнды на выбарчых участках і ў ЖЭСах. Але ў Баранавічах рэкламна-інфармацыйных тумбаў вельмі мала, а тым больш людзі не глядзяць інфармацыйныя стэнды на выбарчых участках і ў ЖЭСах.
Таму кандыдаты ідуць на парушэнні закону, каб толькі размясціць свае інфармацыйныя матэрыялы ў людных месцах. Так, напрыклад, Сяргей Наўроцкі, дырэктар санаторыя “Магістральны”, кандыдат у дэпутаты Баранавіцкага гарадскога Савета дэпутатаў размясціў сваё ўлёткі пры ўваходзе у краму “Узлесак” (вул. Фабрычная 20). Ён балатуецца па выбарчай акрузе № 14. На дзвярах гэтай жа крамы можна пабачыць інфармацыйныя матэрыялы другого кандыдата ў дэпутаты Баранавіцкага гарадскога Савета дэпутатаў Юрыя Грамакоўскага – дырэктара Баранавіцкага камбіната жалезабетонных канструкцый, які балатуецца па выбарчай акрузе № 15.
Цяперашні дэпутат Баранавіцкага гарсавета Мікалай Шырко, дырэктар гімназіі № 1, размясціў свае ўлёткі не толькі на краме “Узлесак”, але і пры ўваходзе ў гарадскую баню “Тонус” (вуліца Фабрычная д.8).
Па дадзеных фактах грамадскі актывіст Рыгор Грык падаў заяву пракурору горада Баранавічы і ў гарадскую выбарчую камісію.
“Праваабаронцы за свабодныя выбары”
