Затрыманыя моладзевыя актывісты ў Гомелі

2 студзеня ў Гомелі на вул.Савецкай каля 22 гадзінаў вечара былі затрыманыя моладзевыя актывісты Сідарэнка Ігар і Касьцючэнка Сяргей і дастаўленыя ў 2-ое адз. РАУС Цэнтральнага р-на, пры гэтым супрацоўнікі міліцыі не прадставіліся ні на вуліцы, ні ў пастарунку. Гадзіну хлопцаў трымалі ў аддзяленьні і склалі пратакол аб затрыманьні і правапарушэньні.
На наступны дзень 3 студзеня на працягу дня актывістам тэлефанавалі дахаты і прасілі прыйсьці ў Цэнтральны РАУС нібыта на размову. Тыя, хто тэлефанаваў, таксама адмаўляліся прадставіцца, акрамя таго пагражалі, што ў адваротным выпадку даставяць хлопцаў сілком і ў кайданках.