Баранавічы: Да сотні ўжо зусім недалёка

Сёння, 27 красавіка, дзяржаўная Баранавіцкая аб’яднаная газета “Наш край” паведаміла сваім чытачам цікавую навіну пра вынікі выбараў у мясцовыя Саветы ў горадзе і ў раёне. Дык вось, па папярэдніх выніках, у горадзе прынялі ўдзел у галасаванні 77, 2 працэнта выбаршчыкаў, а ў раёне – 96,8 працэнты!

Дарэчы, са слоў аднаго з назіральнікаў, які праводзіў падлік выбаршчыкаў, прыйшоўшых у дзень выбараў 25 красавіка галасаваць ў сярэднюю школу № 21, дзе размяшчаліся два выбарчыя ўчасткі № 43 і 49, у яго атрымалася лічба каля 900 чалавек. А па дадзеных двух выбарчых камісій гэтая лічба ўдвая большая – 2096. Дапускаеца, што маглі быць невялікія недакладнасці пры падліку ў назіральніка, але высновы напрошваюцца самі.

“Праваабаронцы за свабодныя выбары”