Брэсцкі філіял РУП "Белпошта" адмовіўся заключаць дамову з рэдакцыяй недзяржаўнай газеты "Брестский курьер"

Брэсцкі філіял РУП "Белпошта" адмовіўся заключаць дамову з рэдакцыяй недзяржаўнай газеты "Брестский курьер" на экспедыяванне, перавозку і дастаўку выдання для раённых аддзяленняў РУП "Брэстаблсаюздрук". Дырэктар філіялу Генадзь Цітоў заявіў, што лічыць заключэнне такой дамовы "немэтазгодным".

Рэдакцыя газеты звярнулася ў Брэсцкі філіял РУП "Белпошта" з прапановай заключыць дамову, бо з пачатку гэтага году газета на паступала ў кіёскі ў некаторых рэгіёнах Брэсцкай вобласці (у дамове адсутнічаў адпаведны пункт).
Падпіска на "Брестский курьер" была адноўленая ў канцы мінулага года, паведаміла служба маніторынгу ГА "Беларуская асацыяцыя журналістаў".