Сябра ініцыятыўнай групы Аляксандра Мілінкевіча ў Астраўцы Мікалай Уласевіч зьвярнуўся ў раённы суд са скаргай на дзеяньні мясцовай выбарчай камісіі.

13 лютага Мікалай Уласевіч зьвярнуўся ў раённы суд у сувязі з тым, што ў мясцовай выбарчай камісіі не далі магчымасьці азнаёміцца з падпіснымі лістамі: пасьля праверкі ўсе 190 подпісаў за Мілінкевіча былі прызнаныя несапраўднымі.

Раней спадар Уласевіч зьвяртаўся з гэтай нагоды ня толькі ў раённую, але і ў абласную выбарчую камісію, толькі праўды дабіцца нідзе не змог.