Дзмітрыю Дашкевічу і Эдуарду Лобаву абвінавачанне не прад'яўлена, але па 10 сутак яны яшчэ правядуць у ізалятары
Зміцер Дашкевіч
Сёння, 28 снежня, скончыліся 10 дзён з моманту затрымання маладафронтаўцаў Дзмітрыя Дашкевіча, Эдуарда Лобава і Дзяніса Лазара па падазрэнні ў здзяйсненні хуліганскіх дзеянняў згодна з узбуджанай крымінальнай справай па ч. 3 арт.339 Крымінальнага кодэкса. Паводле версіі следства, Дашкевіч, Лазар і Лобаў з хуліганскіх памкненняў беспадстаўна і наўмысна, кулакамі і металічным абцугамі збілі двух грамадзян.
28 снежня зранку быў адпушчаны на волю Дзяніс Лазар і ўсе падазрэнні з яго знятыя, справа ў адносінах да яго спынена. Дзмітрыю Дашкевічу і Эдуарду Лобаву абвінавачанне таксама не было прад'яўлена, але іх знаходжанне пад арыштам працягнута яшчэ на 10 сутак. Нагадаем, Дзмітрый Дашкевіч і Эдуард Лобаў знаходзяцца ў ізаятары часовага ўтрымання ГУУС Мінгарвыканкама на Акрэсціна з 18 снежня.
