Швейцарскія праваабаронцы заклікаюць увесьці візавыя санкцыі супраць Лукашэнкі

Швейцарская праваабарончая арганізацыя Libereco зьвярнулася да ўраду краіны з заклікам аб неадкладным увядзеньні візавых санкцыяў у дачыненьні да Аляксандра Лукашэнкі, а таксама іншых высокапастаўленых асобаў Беларусі.

“Было б цалкам непрымальна і шкодна для рэпутацыі нашай краіны, калі б апошняму дыктатару Еўропы дазволілі катацца на лыжах у Швейцарыі, усяго праз некалькі тыдняў пасьля таго, як ён санкцыянаваў зьбіцьцё і затрыманьне апазіцыйных палітыкаў”, – кажа старшыня Libereco Switzerland Марцін Штадэльман.

“Польшча ўжо ўвяла візавыя санкцыі супраць дзясяткаў беларускіх чыноўнікаў, адказных за фальсіфікацыю выбараў і парушэньні правоў чалавека. Швейцарыя мусіць зрабіць тое ж самае”, – адзначаецца ў заяве.