Па справе аб масавых беспарадках абвінавачанні прад’яўлены Дзмітрыю Буланаву, Аляксандру Квяткевічу і Васілю Парфянкову
Абвінавачанні па справе аб масавых беспарадках прад’яўлены Дзмітрыю Буланаву, Аляксандру Квяткевічу і Васілю Парфянкову. Усяго праваабаронцам вядомы прозвішчы 36 асобаў, якія знаходзяцца ў статусе абвінавачаных па дадзенай справе (па звестках міністра ўнутраных спраў А. Куляшова, абвінавачанымі з’яўляюцца 37 чалавек).
Буланаў Дзмітрый – адбыў 10 сутак адміністратыўнага арышту, 12 студзеня быў затрыманы ў якасці падазраванага па крымінальнай справе аб масавых беспарадках, утрымліваецца пад вартай у СІЗА на вул. Валадарскага.
Квяткевіч Аляксандр – адбыў 12-сутачны арышт за ўдзел у акцыі 19 снежня, з 4 студзеня затрыманы як падазраваны па крымінальнай справе аб масавых беспарадках (пад вартай у СІЗА КДБ)
Парфянкоў Васіль – актывіст штаба У. Някляева, затрыманы 4 студзеня ў якасці падазраванага па крымінальнай справе аб масавых беспарадках, утрымліваецца пад вартай у СІЗА на вул. Валадарскага.
