Alliance Defense Fund заклікае Мінюст і Рэспубліканскую калегію адвакатаў спыніць пераслед адвакатаў

Роджэр Кішка, дарадца па прававых пытаннях Alliance Defense Fund, юрыдычнай арганізацыі, якая аб’ядноўвае больш за 1700 юрыстаў, звярнуўся да Міністэрства юстыцыі і Рэспубліканскай калегіі адвакатаў з патрабаваннем “спыніць карныя дзеянні ў дачыненні да адвакатаў”, якія абараняюць зняволеных у выніку мірных дэманстрацыяў пратэсту па завяршэнні выбараў у снежні 2010 года.

“Я вельмі занепакоены з прычыны існуючага стаўлення да юрыстаў... У прыватнасці я пішу пра адвакатаў сп. Сапелку, сп. Тоўсціка, спн. Сямашка і спн. Сідарэнка” – адзначае сп. Кішка.

Прадстаўнік Alliance Defense Fund звяртае ўвагу беларускіх службоўцаў на недапушчальнасць сітуацыі, калі апазіцыйныя кандыдаты “апынуліся за кратамі, а іх адвакаты сталі ахвярамі пераследу”.