У Пінску Дзень Канстытуцыі БРСМ адзначыў у палацы шлюбаў

На Дзень Канстытуцыі, 15 сакавіка, пінскі БРСМ зладзіў акцыю “Я грамадзянін Беларусі”. У межах акцыі 15 актывістваў арганізацыі, якім споўнілася 16 год, з рук “сэнатара” ад Пінску Івана Кіеўца атрымалі свае першыя пашпарты (фота з сайта Пінскага гарыканкама).

Падчас мерапрыемства маладым пінчукам распавялі аб правах і абавязках грамадзяніна Беларусі, а потым яны прачыталі клятву на вернасць нашай краіне. Сімвалічна, што ўрачыстаць адбывалася ў мясцовым “Палацы шлюбаў”, магчыма, арганізатары такім чынам  адлюстравалі сваеасаблівы “саюз” маладых грамадзян Беларусі з дзяржавай.

Іншыя пінскія палітычныя сілы і грамадскія арганізацыі аніяк не праявілі сябе ў Дзень Канстытуцыі.

“Праваабарончая хроніка”