Надпісы ля кватэры Таісіі Кабанчук “зніклі”

Міліцыя да сённяшняга дня не разабралася, хто і навошта пакінуў на сценах ля кватэры актывісткі БХД Таісіі Кабанчук абразлівыя надпісы.

- Не думаю, што міліцыянеры будуць надта спяшацца, каб даць адказ на маю заяву. Ды й у адказе гэтым будзе, па ўсім відаць, стандартная “адпіска”, - мяркуе Таісія Кабанчук.

Бабруйская актывістка распавяла, што абразлівыя надпісы “зніклі” ўвечары 25-га сакавіка. Яе некалькі гадзін не было дома, а па вяртанні спн.Кабанчук убачыла, што напдпісы на сцяне і дзвярах акуратна зафарбаваныя блакітнай фарбай.

“Праваабарончая хроніка”