У Магілёве будаўнікоў выганяюць на суботнік

Рабочых магілёўскіх будаўнічых арганізацый “Будаўнічы трэста №12” і “Прамжылбуд” пад прымусам выганяюць на “добраахвотны” агульнарэспубліканскі суботнік. Тыя, хто не выйдзе на працу 16 красавіка, каб папрацаваць на сваіх працоўных месцах, а таксама прыбраць горад ад смецця – могуць не далічыцца 50% свайго заробку.

Пра гэта сцвярджаюць рабочыя дадзеных арганізацый. Запужаныя пагрозамі начальства, яны не бачаць іншай магчымасць, каб захаваць за сабой працоўнае месца, і падпарадкоўваюцца гэтаму рашэнню.

Нагадаем, што ў Магілёве, акрамя агульнарэспубліканскага суботніка, 9 красавіка адбыўся яшчэ і “добраахвотны” гарадскі суботнік.

“Праваабарончая хроніка”